2005-2010: кандуу жылдар сабагы

Апрел ыңкылабына 13 жыл толду. Бул күнү элдик толкундоонун натыйжасында Курманбек Бакиевдин бийлиги кулатылган. Бакиевдин башкаруу жылдарында көрүнүктүү депутаттан баштап, ишкер, спортчу, кримтөбөлдөр буюртма адам өлтүрүүнүн курмандыгы болушкан. Кландык башкаруу, оппозицияны куугунтуктоо, жалданма адам өлтүрүүлөр, эркин медиаларга басым жана коррупциялык көрүнүштөр 2010-жылы Апрель окуясына алып келип, анда жүздөй адамдын өмүрү кыйылды.