Соттун бул чечими коомчулукта кызуу талкууланып жаткан чакта президент Садыр Жапаров билдирүү таратып, Ширшов анын макулдугу менен өлкөгө келгенин билдирди. Президенттин маалыматы боюнча Ширшовго издөө жарыяланган эмес жана ал Максим Бакиев каткан 200 миллион долларды кайтарууга жардам берүүдө. Артынан көп сөз ээрчиткен Ширшов ким жана анын айланасындагы акыркы окуялар эмнеден кабар берет? Бул суроолорду «Азаттыктын» «Эксперттер талдайт» берүүсүндө талкуулайбыз. Ага Жогорку Кеңештин депутаттары Жанар Акаев, Медер Алиев, экс-депутат Рыскелди Момбеков жана саясий талдоочу Эмил Каниметов катышты.
