Садыркуловдун өлүмү: бийликтин кандуу жолу

2009-жылы 13-мартта Президенттик аппараттын мурдагы башчысы Медет Садыркулов, Эл аралык стратегиялык изилдөөлөр институтунун директору Сергей Слепченко жана айдоочу Кубат Сулайманов табышмактуу жагдайда каза болгон. Ошол кездеги Курманбек Бакиевдин бийлиги бул окуяны автокырсык катары сыпаттаган. Эгемендүү Кыргызстандын тарыхындагы коомчулукту нес кылган кандуу окуялардын бири, саясий ишмердин өлтүрүлүшүнө түздөн түз катышкан деп шектелген Санжар Сапарбеков Кыргызстанга кайтып келип, сот жообуна тартылууда.