"Ата-энемдин сөөгүн баштыкка чогултуп алдык"

Нурсултан Назарбаевдин муркум инисинин уулу Самат Абиш Казакстандын Улуттук коопсуздук комитетинин төрагасынын биринчи орун басарлыгынан бошотулду. Ошондой эле Назарбаевдин үч күйөө баласы тең иштен кетишти. Коңшу өлкөнүн Башкы прокуратурасы билдиргендей, башаламандыкта жалпысынан 225 киши, анын ичинен күч түзүмдөрүнүн 19 кызматкери каза болду. Байкоочулар каза болгон жайкын тургундардын саны мындан дагы көп болушу мүмкүн деп боолгошууда. Көз жумгандардын арасында жубайлар Куат Биткенбаев менен Гүлзифа Кулсултанова да бар. Алардын машинеси күйүп кетип, сөөктөрү күлгө айланган.