3-май - Дүйнөлүк басма сөз эркиндигинин күнү катары белгиленет. Кыргызстанда сөз эркиндигинин абалы кандай? Кыргыз журналистикасында  кандай тенденциялар болуп жатат? Журналисттердин ишине тоскоолдук жараткан кандай тобокелчиликтер бар? Ушул суроолор “Азаттыктын” “Эксперттер талдайт” программасында талкууланды. Берүүгө журналист Дилбар Алимова, "Медиа полиси" уюмунун юристи Акмат Алагушев, “Кыргыз туусу” гезитинин башкы редактору Мырзакат Тыналиев, ошондой эле Ош шаарынан видео байланыш аркылуу “Т-Медиа” маалымат компаниясынын жетекчиси Данияр Садиев катышты.