«2020-жылдын мыкты журналисттик иликтөөсү» сынагынын жеңүүчүлөрү аныкталды. Иликтөөчү журналисттер фонду жарыялаган сынактын жыйынтыгында 1-орун “Телевизиондук Академия” коомунун астында Адил Турдукулов, Булат Сатаркулов, Александр Тропейко биргелешип даярдаган ““Коррупцияга малынган Бишкектин гүлбактары” деген иликтөөгө ыйгарылды.
2-орунга “Клооп Медиасы” даярдаган “Коррупция айлампасы” деген иликтөө чыкты. 3-орун “Медиа өнүгүү борборунун” астында Болот Темиров жана эркин журналист Али Токтакунов чогуу жасаган “Райымбек Матраимовдун бажыдагы сансыз туугандары” деген эмгекке берилди. Бул сыйлык 3-ирет тапшырылып жатат. Былтыр жалпысынан 40 эмгек келип түшкөн.