Ыктыярчылар демонстранттарга суу, тамак берүүдө. Алар демонстранттар бараткан жолдун боюндагы кафелердин ээлеринен роутерлерди күйгүзүп коюуну өтүнүшүүдө. Бүгүн Минскиде Интернет байланышы начар болуп, уюк телефондор айрым жерлерде тартпай жатат.
Бүгүн Минскидеги "Баатырлардын жүрүшүнө" 100 миңден 150 миңге чейин адам катышууда.
Беларус медиа каражаттары акцияларга түмөндөгөн адамдар чыкканын жазышууда. "Кулуары KYKY" телеграм-каналынын маалыматы боюнча, Минскинин борборуна жүз миң адам топтолду. "Интерфакс" күбөлөргө шилтеме берип, митингге 150 миң адам катышып жатканын кабарлайт.
Беларус Ички иштер министрлиги өлкө боюнча нааразылык акцияларына үч миңден ашпаган адам катышып жатканын, 250дөн ашык адам кармалганын билдирди.
12-сентябрда Беларустун Ички иштер министрлиги митинг маалында 114 адам кармалганын, 87 киши убактылуу кармоочу жайга киргизилгенин билдирди.