Матраимовдор менен үч медианын соту

Матраимовдор «Азаттык» радиосу, кабарчы Али Токтакунов, «Kloop.kg» жана «24.kg» сайттары иликтөөдөгү маалыматтарды төгүндөсө материалдык доодон баш тартууга даяр. Бул тууралуу алардын адвокаттары 20-январдагы сот отурумунда айтышты. «Азаттык» жана «Kloop.kgнин» жактоочулары иликтөөдөгү фактыларды жокко чыгарбай турганын айтса, «24.kg» агенттигинин өкүлү Матраимовдор тууралуу иликтөөгө катышпаганын, болгону сайтына жайгаштырганын жүйө кылды. Доогер тарап соттук ишти тынчтык жолу менен чечүүгө кеңешүү үчүн убакыт сурап, судья сотту 29-январга жылдырды.