Бишкекте Эл аралык театр күнү белгиленди

1961-жылы Венада өткөн ЮНЕСКОнун Эл аралык театр институтунун IX конгрессинде 27-мартты эл аралык театр күнү катары белгилөө бекитилген. Мына ошол күндөн бери дүйнө жүзүндөгү көптөгөн театрлар, анын ичинде Кыргызстандагы театрлар 27-мартты кесиптик өнөр майрамы катарында белгилеп келет. Токтоболот Абдумомунов атындагы Кыргыз академиялык драма театрында өткөн иш-чарага республикалык жана облустук театрлардын артистери катышты.