Кыргыз эли асыл уулун жерге берди
9-октябрда Бишкекте вице-премьер-министр Темир Жумакадыров менен коштошуу зыйнаты өттү. Маркумдун сөөгү “Ала-Арча” мамлекеттик көрүстөнүнө коюлду. Маркум вице-премьер-министр, Республикалык шайлоо штабынын башчысы, 38 жаштагы Темир Жумакадыров менен кошо 30 жаштагы жардамчысы Нурлан Жамгырчиев жана 33 жаштагы айдоочусу Нурбек Муканов бараткан «Тойота Лэндкрузер» автоунаасы 7-октябрда таңкы саат 7:30да Бишкек-Чалдыбар жолунун 36-чакырымында, Москва районунун Садовое айылында “КамАЗ” менен кагылышкан. Жол кырсыгынан үчөөнүн тең өмүрү кыйылды.