Бишкектин четиндеги "Ата-Бейит" комплексинде апрель окуясынын жети жылдыгы эскерилди. Иш-чарага президент Алмазбек Атамбаев баштаган бийлик өкүлдөрү катышты. Мамлекет башчы жана башка чиновниктер эскерүү жыйынында сөз сүйлөгөн жок. Атамбаевдин 7-апрелге карата элге кайрылуусун президенттик аппараттын басма сөз кызматы тараткан. Мындан тышкары апрель окуясында каза болгондордон сурамжылоо да жүргүзүп көрдүк. Түштөн кийин Ала-Тоо аянтында театралдаштырылган иш-чара болуп өттү. Ага шаар мэри Албек Ибраимов катышты. Соңунда концерт болуп, ал салют атуу менен аяктады.