Жалал-Абад: насыя үчүн алдангандар

Жалал-Абадда 2 млн долларга чейин жеңилдетилген насыя берүүнү убадалаган “Бекбол Эл” бирикмесине кылмыш иши козголду. Ага акча төлөп катталып, бергенин кайтара албай жаткан жарандар бирикменин ишине нааразычылык билдирүүдө. Облустагы 800дөн ашык адамдан акча жыйнаган бирикменин кызматкерлери өз ишкердүүлүгүн мыйзамдуу деп атап, жакынкы убактан тарта насыя бериле баштарын убада кылышты.