Кореядан байге уткан спортчулар
Кыргызстандык спортчулар таймаштын аралаш түрлөрү боюнча (ММА) Бүткүл дүйнөлүк ассоциациясы уюштурган Азия чемпиондугунда жалпы командалык эсепте экинчи орунду алышты. Мелдеш 7-августта Түштүк Кореянын Хвасун шаарында өткөн. Ага Кыргызстан, Тажикстан, Казакстан, Кытай, Өзбекстан жана Түштүк Кореядан спортчулар катышып, 7 салмакта күч сынашкан. Мелдеш жыйынтыгында кыргызстандык спортчулар бир алтын, үч күмүш жана эки коло байгеге ээ болушкан. Чемпиондук курга 70 килограммга чейинки салмакта Ильяс Чыңгызбек уулу ээ болгон. Байге ээлери “Азаттыктын” студиясына келип мелдештин жүрүшү тууралуу маек куруп беришти.