Эгемендик - 25: Катылган жаранын карты (2-чыгарылыш)

1990-жылы Кыргызстандын Ош шаарында жана Өзгөндө улуттар аралык кандуу кагылышуу орун алып, анын негизги себептеринин бири жер маселеси болгон деп айтылып келген. Коогалаң Компартияны селт эттирип, “элчиликке” Москва кийлигишип, атайын даярдыктан өткөн тажрыйбалуу аскерлер киргизилип, кан төгүү токтотулган. Арадан туура жыйырма жыл өтүп Ош жана Жалал-Абад шаарларында кыргыз-өзбек ортосундагы жаңжал кайра тутанып, адам курмандыктары менен коштолгон. Бирок кыргыз-өзбек тарыхый боордоштугу адам өмүрүн алган бул сыноого туруштук берип, эки эл ынтымакка келди. Кыргызстандагы демократиялык кыймылды муунтуу үчүн Ош окуясын пайдалануу аракеттери экинчи жолу майнапсыз аяктады.