Кино режиссерлордун арасында жыл сайын өтө турган улуттук “Ак илбирс” киносыйлыгынын бешинчи фестивалы соңуна чыкты. Тасмаларды кабыл алуу 31-мартта аяктап, келип түшкөн тасмалар калыстар тобунун элегине түшкөн. Сыйлык ээлери 13-майда аныкталды. “Ак илбирс” улуттук кино сыйлыгы былтыртан бери Борбордук Азия киноискусствосун да өзүнө камтып, ага чейин белгиленип келген он төрт номинацияга “Орто Азиянын мыкты тасмасы” жана “Дүйнөлүк кинематографияга кошкон салымы үчүн” номинациясы кошулган.