Талас: мөндүр аралаш жаандын кесепети
9-майда Таласта мөндүр аралаш жамгыр жаап, Талас районунда Долоно айыл өкмөтүндөгү 30 үйгө суу кирген. Айдоо жерлердеги өнүп чыгып калган төө бурчактардын, гулдөгөн алма-өрүктөрдүн, бүлдүркөндөрдүн бүрлөрүнө зыян келтирилген. Өзгөрүш айылында төрт үйгө суу кирген. Чолпонбай айылында 5-6 гектар жерди суу жууп кеткен. Талас шаары, Кокой айылында секундасына 16-25 метр ылдамдыкта шамал жүрүп, он чакты үйдүн шифери учурулган. Талас шаарында жалпы чыгым 600 миң сомго чукулдады.