Салбуурун - аңчылардын кумары

Нарында салбуурун оюну боюнча республикалык мелдеш өттү. Эки күнгө созулган бул мелдешке 70тен ашык тайганчы, кыркка чукул мүнүшкөр жана 25 жаачы катышты. Салбуурунчулар Талас, Ысык-Көл, Чүй жана Нарын облусунан келишип, жыйынтыгында көлдүктөр бүркүткө чырга алдыруу жана жаа атуудан биринчиликти эч кимге беришкен жок. Ал эми Таластын күлүк тайганы биринчи болуп келди.