Авто кырсык 8 адамдын өмүрүн жалмады

17-ноябрь күнү кечинде Бишкек-Торугарт унаа жолунда, Кемин шаарчасына жакын жерде авто кырсыктан 8 адам каза болду. Бул тууралуу Өзгөчө кырдаалдар министрлигинен кабарлашты. Маалыматка ылайык, “Мерседес-Спринтер” үлгүсүндөгү кичи автобус менен “Хонда Аккорд” үлгүсүндөгү автоунаа кагышкан. Кырсыктан 18 адам жабыркап, Кемин райондук ооруканасына жеткирилди. Учурда кырсыктын себептери такталууда. (фото ӨКМнин басма сөз кызматыныкы)