Екі кішкентай баласы бар қапшағайлық Жанна Өмірова «діни өшпенділікті қоздыру» және «терроризмді насихаттау» айыбымен бес жылға сотталды. Оның терроршы деп танылған ері түрмеде отыр, сондықтан балалары әжесінің қолында қалды.
Батыс Қазақстан облыстық мешітіндегі намаз кезінде "әмин" деп дауыстап айтқанын мойындаған адамға алғаш рет айыппұл салынды. Мешіт қызметшілері "ол адам діни мекеменің ішкі тәртібін бұзды" деп түсіндіреді. Жергілікті полиция айыппұл салынған жігітті "деструктивті діни ағымды ұстанады" деп сипаттайды.
Ресейдің Солтүстік Кавказ өңірі тұрғындары аты-жөндерінің экстремистерді бақылайтын арнайы тізімге енгеніне наразы. Қазір олардың өмірінде тыныштық жоқ.
Астананың Сарыарқа аудандық 2-соты «Иегова куәгерлері христиандар қауымы» діни бірлестігінің 60 жастағы мүшесі Теймур Ахмедовті «діни алауыздықты қоздыру» айыбымен бес жылға соттады. Ахмедовтің адвокаттары үкіммен келіспей, «клиентіміз арнайы қызмет ұйымдастырған арандатудың құрбаны болды» дейді.
Қазақстанның кей қалаларында тұратын Евангелие христиан баптистерінің бірлесіп құлшылық етуін жергілікті билік тіркелуден бас тартқандардың жиыны ретінде бағалап, айыппұл салған. Діндарлар тіркеуге тұру талабы «діни ұстанымымзға қайшы» деп санайды. Құқық қорғаушылардың да пікірі осындай.
Астанада "Иегова куәгерлері" діни ағымын ұстанушының үстінен "діни араздықты қоздыру" бабы бойынша қозғалған іс қаралып жатқан сот процесі екінші күн жалғасты.
Павлодарда Сауд Арабиясының Медина ислам университетінің магистранты Қуаныш Башпаевты діни алауыздықты қоздырды деген айыппен соттап жатыр. Жапа шеккен имамның өтініші бойынша сот жабық режимде өтеді.
Мүмкіндігі шектеулі астаналық тұрғын Жасұлан Сүлейменов түрмедегі сегіз жылын көбінесе кереуетте таңулы күйде өткізген. Ол терроризм айыбымен сотталған, бірақ ол қазір де өзін жазықсыз санайды.
Астанада «Иегово куәгерлері христиан қауымының» екі өкілінің үстінен «діни араздықты қоздыру» айыбымен қозғалған қылмыстық іс тексеріліп жатыр. ҰҚК болжамынша, олар «конфессияаралық және ұлтаралық келісімді» бұзатын уағыздар айтқан. Олардың адвокаты «бұл - арнайы қызметтің арандатуы» деп мәлімдейді.
ОА-дағы діни проблемаларды зерттейтін бір топ ғалым халықаралық дағдарыс тобының (ICG) «аймақта ислам діні радикалданып барады» деген баяндамасының кей тармақтарымен келіспейтінін мәлімдеді. Олар ашық үндеуін The Diplomat басылымында жариялаған.
Орталық Азиядағы биліктің қаһарына ұшыраған диссиденттердің екі таңдауы бар – қашан қамайды деп күтіп жүреді немесе елден кетеді. Бірақ шетелге кетсе де, тыныш өмір сүре алмай жүргендер көп.
Аймақ елдері үкіметтерінің қатты қорқатын дүниесі - дін. Бұл аймақта қазір зайырлы оппозиция жоқ, оның орнын діни оппозиция басқан.
Тағы