Алматы облысының Қарасай ауданындағы 47 гектар жерінен айрылған Кришна санасы қоғамы өздеріне билік Алматы облысындағы Іле ауданынан ұсынған кезекті жер телімінен бас тартатындықтарын мәлімдеді. Олардың айтуынша, «ұсынылған жер ескі бейіттің орны мен қоқыс төгетін жер болғандықтан, ол жерлер игеруге жарамсыз». Адам құқығы мәселесі бойынша сарапшылар биліктің бұл іс-әрекетін «жеке меншікті мемлекеттік әдіспен тартып алу» деп бағалай отырып, Қазақстанда діни бостандық туралы заңға енгізілмек болып жатқан жаңа өзгерістер шын мәнінде «діни бостандықты қамтамасыз ете алмайды» деген ой айтады.
