Оңтүстік Қазақстан облысындағы Леңгір қаласына қарасты Шахта Тоғыз ауылындағы ИЧ-167/9 түрмесінде жазасын өтеп жатқан Батырхан Жүсіповтің туыстары оның соққыға жығылып, бір жарым жылдан бері төсек тартып, мүгедектер арбасына таңылғанын айтады. Қылмыстық-атқару жүйесі комитетінің Оңтүстік Қазақстан облысы бойынша департаменті Жүсіповтің денсаулығы туралы мәліметтер «дәрігерлік құпия болып саналатынын», ол туралы басқа да деректер «жариялауға жатпайтынын» хабарлады.
