Қытайда тараған коронавирустан ең көп зардап шегіп жатқан елдердің бірі Иранда, 4 наурыздағы дерек бойынша, кемінде 92 адам көз жұмды. Иран қазақтары Азаттыққа ол елдегі қазіргі жағдай туралы айтып берді.
Қытайдың этникалық қазағы Гүлзира Әуелханқызы Азаттыққа Шыңжаңдағы "саяси тәрбиелеу лагеріне" қалай түскенін айтып берді. Ол "лагерьде" қандай қиындық көргенін, фабрикада еркінен тыс жұмыс істегеннен кейін Қазақстанда қалған отбасына қалай оралғанын баяндады.
Қаңтардың 28-і күні билік өкілдері Қытайдан елге оралған кемінде жеті қазақстандықтың респираторлы вирус жұқтырған деген күдікпен ауруханаға жатқызылғаны туралы хабарлады. Ресми мәліметке сәйкес, әзірге еш науқаста коронавирус тіркелмеген.
Азаттық Иранда тұратын қазақтармен тілдесіп, елдегі қазіргі ахуал жайлы сұрап білді. Олардың сөзінше, елде соғыстан қорқып отырған жұрт та, "кек алуға дайындар" да жетерлік.
"Қытайдан Қазақстанға қашып келдім" деген тағы бір этникалық қазақ Нұр-Сұлтаннан босқын мәртебесін сұрайды. Көші-қон полициясы Шыңжаң қазағының босқын мәртебесін сұраған өтінішін қабылдап алғанын растады.
Қазақстаннан АҚШ-қа көшіп барған Айя Балтабек қазір Нью-Йоркте көші-қон мәселесі бойынша кеңесші болып істейді. Азаттыққа сұхбатында заңгер АҚШ-та қалып қою ниетімен қоныс аударатын қазақстандықтардың ол жаққа жақын-туыстарын да алдыруға талпынысы туралы айтып берді.
Азат Еуропа/Азаттық радиосы "Настоящее время" сайтының тілшісі Екатерина Пономарева Ресейдің Челябинск аймағында тұратын Жамбыл Айтпаев туралы репортаж әзірледі. 42 жастағы кәсіпкер қазақты жергілікті тұрғындар "сүт королі" деп атайды.
Иран билігі елде бензиннің қымбаттауына наразылық күшейген тұста интернетті бұғаттап, ұялы байланысқа шектеу қойды. Иранда тұратын қазақтар "үлкен қалалардағы алаңдардың толық қоршауда тұрғанын, елде күзет қатайғанын" айтады.
"Қазақ-қытай шекарасын кесіп, бергі бетке өткен" Шыңжаң қазақтары Қастер Мұсаханұлы мен Мұрагер Әлімұлын 14 қазанда Ұлттық қауіпсіздік комитетінің шекара қызметі әкетті.
25 жыл бойы Финляндияда тұрып жатқан этникалық қазақ Әйкен Салонен биылғы мамыр айында қуғын-сүргін құрбандарын еске алу үшін Алматыға арнайы келіп, наразылық жиынының ортасына бір-ақ түскен. Ол Азаттыққа көзіне оғаш көрінген жайттар туралы әңгімелеп берді.
Еуропада тұратын бір топ этникалық қазақ Қазақстанда митинг кезінде ұсталғандарды босатуды өтініп, президент Қасым-Жомарт Тоқаевқа хат жазды.
Шетелде тұратын, сол жақта жұмыс істеп жүрген қазақтар Қазақстанда жаңадан сайланатын президент әділетті қоғам құрып, жемқорлық мәселесін шешсе дейді.
Тағы
