Анасы, халықаралық құқық қорғау ұйымдары және қазақстандық жұртшылық өкілдері "Қазатомпромның" түрмеде отырған экс-президенті Мұхтар Жәкішевке рақымшылық жасауды сұрайды. Билік рақымшылық жасау үшін президенттің атына Жәкішевтің өзі өтініш жазуы тиіс деп санайды.
74 жыл бұрын совет үкіметі жүздеген мың шешен мен ингушты "оккупанттармен ауыз жаласты" деп айыптап, Солтүстік Кавказдан депортациялаған болатын. Жер аударылғандардың көбі Қазақстанға түпкілікті қоныстанды. Арада ондаған жылдар өтті, депортация сұмдықтарын бастан кешірген жандардың көбі қазір о дүниелік болған, бірақ ата-бабалары тартқан тауқыметті ұрпақтары ұмытпайды.
Құқық қорғаушылар мен саясаткерлер "ТұранӘлем" банкінің тең қожайыны Ержан Тәтішевті қастандықпен өлтіру ісін қайта қараудың астарында саяси себеп бар деп санайды. Былтыр күзге дейін тергеушілер "аң аулап жүргенде болған жазатайым оқиға" санап келген банкирдің өлімін, арада 13 жыл өткенде, қазір шетелде тұратын әрі өзін Қазақстанның қазіргі президентінің бітіспес жауы деп атайтын бұрынғы банкир Мұхтар Әблязовтің тапсырысы ретінде көрсетуге тырысып жатыр.
Қазақстанда тағы да монархия орнату идеясын ұсынатындар шыға бастады. Бұл жолы жас ақын Балтабек Нұрғалиев осындай ұсыныс тастады. Бірқатар қазақстандық БАҚ-қа сұхбат берген Нұрғалиев «елді тек Назарбаевтар династиясы басқаруы керек» деп мәлімдеді. Азаттық Қазақстанда монархия орнатайық деген басқа да бастамашыларды еске түсіріп, бұған қатысты сарапшылардың пікірін тыңдады.
12 жыл бойы түрмеде отырған ақын әрі диссидент Арон Атабек 65 жасқа толды. Оған барған құқыққорғаушылар ақынның шартты түрде мерзімінен бұрын босату немесе жазасын жеңілдетуді сұрап өтініш беру ойына кіріп шықпайтынын айтады. Достары мен таныстары Атабектің сан қырлы тұлға екенін айтса, құқыққорғаушылар оның төзімділігіне тәнті болады.
Алаш қайраткерлерінің шығармашылық мұраларын ақтау процесінің басталғанына биыл отыз жыл толады. Зерттеушілер саяси қуғын-сүргін құрбандарын ақтау үрдісі Мәскеуде басталғанына қарамастан Қазақстанда оған байланысты айтыс-тартыс көп болғанын айтады.
Сарапшылар "Алаш" автономиясының жарияланғанына жүз жыл толуына байланысты парламенттік тыңдаудың болмағанына өкініш білдіріп, орындалуға тиісті шараларды атап шықты.
Осыдан жүз жыл бұрын, 1917 жылы желтоқсаның 13-і күні Орынборда Екінші жалпықазақ съезі аяқталып, "Алаш" автономиясын жариялау туралы қаулы қабылданды. Одан екі апта бұрын Түркістан автономиясы жарияланған болатын. Бір жылдан кейін Қазақстанның Батыс өңірінде "Ойыл уәлаятының уақытша үкіметі" құрылып, ол кейіннен "Батыс Алашордаға" айналды. Қазақ оқығандарының бірер жылда бірнеше үкімет құруын тарихшылар "жағдайға қарай әрекет ету" деп бағалайды.
Биыл тамыздың басында Парижге ұшып кеткен қазақстандық журналист әрі құқық қорғаушы Рамазан Есіргепов саяси босқын мәртебесін алуға тырысып жүр. Ол Қазақстаннан кету себебін «тағы қылмыстық қудалауға ұшыраймын деген қауіппен кеттім» деп түсіндіреді. Есіркепов Азаттық тілшісіне Францияға қалай барғанын, ондағы қазіргі жағдайын айтып берді.
Түрмеде отырғанына тоғызыншы жылға айналған «Қазатомпром» компаниясының бұрынғы президенті Мұхтар Жәкішевке операция жасалды. Сарапшылар БҰҰ комитетінің Жәкішевті жақтап шығарған шешімін ескертіп, оны түрмеден шығарған жөн дейді. Түрме билігі тұтқынның денсаулығын "норма шегінде" деп бағалайды.
Шымкент қаласындағы Албастысай шатқалы сталиндік репрессияның екі жарым мыңдай құрбаны атылып, көмілген жер ретінде белгілі. Өлке тарихына қанық адамдар құрбандардың есімдерін мәңгі есте қалдыру жеткілікті, ал репрессияны орындаушылардың есімдерін анықтап, жариялауды қажетсіз, артық нәрсе деп санайды.
ҰҚК-нің бұрынғы төрағасы Нартай Дүтбаевқа сот жеті жарым жыл түрме жазасын кесті. Екі жарым апта бұрын шыққан үкім туралы ақпаратты әскери сот 11 қыркүйекте жариялады. "Дүтбаев ісі" туралы Азаттық жолдаған сауалды өткен апта бойы қараған сот дүйсенбіге дейін шулы іс бойынша жабық өткен соттың үкімі шыққаны жайлы ақпаратты я растамай, я жоққа шығармай келген еді.
Тағы