АЙМАҚ ХАБАРЛАРЫ

Жікшілдік құрбаны ма, кездейсоқ қаза ма?

Шалқарда адам қолынан мерт болған жасөспірім Мирасбек Дәулетиярдың өлімі қаладағы қылмыстық ахуал мен оқушылардың топтасып төбелесуі сияқты қордаланған мәселелерге қоғам назарын қайта аударды.

Кеншілер аймағындағы кешіккен күн энергиясы

Қазақстандық БАҚ Орталық Азиядағы ең ірі нысан деп атаған Қарағанды облысындағы күн электр станциясының ресми ашылуы басқа күнге ауыстырылды. Бұған дейін 2018 жылдың соңына жоспарланған ашылу салтанатын Саран билігі қаңтардың екінші жартысына қалдырды.

Шеруге шыққандар биліктен қылмыскерді табуды талап етті

Қарағандыда көшеге шыққан тұрғындар жаңа жыл түнінде жаппай төбелесте мерт болған жігіттің қазасын тергеу барысы жайлы биліктен түсініктеме талап етті.

Сарбаз өліміне қатысты сот үкімі шықты

Ақтау гарнизонының әскери соты "Үстірт" шекара бекетінде көз жұмған сарбаз өліміне қатысты сот үкімі шықты.

Ақтауға фильм түсіруге келген шетелдікке айыппұл салды

Ақтау әкімшілік соты Франция азаматы, Ligne de Front студиясының режиссері, журналист Венсан Прадоға "Қазақстанның көші-қон туралы заңын бұзғаны" үшін 60 мың теңге (шамамен 165 АҚШ доллары) көлемінде айыппұл салды. Маңғыстауға 2011 жылғы Жаңаөзен оқиғасы туралы фильм түсіруге келген режиссер өзіне тағылған айыппен келіспейді.

Абловас Жұмаев айыпты мойындамады

Ақтауда Тelegram мессенджеріндегі хабарламалары үшін сотта ісі қаралып жатқан Абловас Жұмаев соңғы сөзінде өзіне тағылған айыптарды мойындамайтынын мәлімдеді. Прокурор соттан Жұмаевты үш жарым жылға түрмеге қамауды сұрады.

Орал соты украиналық журналиске айыппұл салды

Орал әкімшілік соты киевтік журналист Александр Гороховскийді миграциялық заңнаманы бұзғаны үшін айыпты деп танып, оған айыппұл салды. Бірақ, журналистің "кінәсін жеңілдететін жағдайларды" ескеріп, бастапқы сомасын азайтты. Сарапшылар мен Гороховскийдің қазақстандық әріптестері бұл оқиғаны жастарға арналған "Журналистика мектебі" жобасына "қысым жасау әрекеті" деп бағалайды.

Мектептегі "орамал дауы" әкімшілік қамауға жеткізді

Ақтөбеде балаларын мектепке орамалмен кіргізуді талап еткен үш тұрғын "мектеп тәртібін бұзып, мұғалімдерге қоқан-лоқы көрсеткені" үшін әкімшілік қамауға алынды. "Діни ахуалы күрделі" саналатын облыста "орамал дауы" биыл да жалғасып отыр.

Аяқсыз бала Әли мен оның жаңа протезі

Бесінші сынып оқушысы Әли Тұрғанбеков үшін "мектепке бару" деген сөз ерекше мәнге ие. Аяқсыз туған бала жаңа оқу жылы қарсаңында жаңа протез алды. Бірегей әрі қымбат тұратын протезді түрік дәрігерлері жасаған.

Балықшылар Көкарал бөгетін көтеруді күтеді

Көкарал бөгетін салғанда кері қайтатын өткел қалмаған соң балықтың бір бөлігі баяу қырылып жатыр. Жергілікті тұрғындар «Кіші Аралдың суын көбейтудің екінші кезеңі басталады» деген үкімет уәдесі орындалады деп үміттенеді.

Арнайы несиені бәрі бірдей пайдалана алмайды

Анатол Статидің мүлкіне қатысты сот жалғасып жатыр