Бұрын инженер-дәрігер болған, Өзбекстанда бір рет пайдаланылатын шприц шығаратын алғашқы зауытты ашқан кәсіпкер Саидикром Ахроров көп жыл бұрын өз еркімен елден кеткен. Кейін Шавкат Мирзияев билікке келген соң, жаңа президенттің реформалар туралы уәдесіне сеніп, Ташкентке оралған. Бірақ ол қаржы алаяқтығы мен жемқорлыққа тап болғанын айтады.
Қарақалпақстанның егемендігі мен Өзбекстан құрамынан шығу құқығы туралы баптарды Конституциядан алып тастауға бейбіт қарсылықты билік күшпен басып, аяғы үлкен қантөгіске ұласқан Нөкіс оқиғасына биыл екі жыл толды.
Қырғызстанның Ош облысында тасқын салдарынан сегіз адам мерт болған. Оның төртеуі – кәмелетке толмаған қазақстандық балалар.
16 маусымда Алматыда қоғам қайраткері Мұрат Әуезовті жұртшылық ақтық сапарға шығарып салды. 81 жастағы ғалым ұзаққа созылған дерттен 14 маусымда қайтыс болды. Марқұмды әкесі Мұхтар Әуезовтің зиратының қасына жерледі.
Балқаштың айналасында тұратын ауыл халқы кейінгі бірнеше жылдан бері көл суы тартылып, балығы сиреп кеткенін байқаған. Бір кездері көл түбінде жатқан тастар қазір жағалауға айналыпты. Балқаш көлі Қытайдан бастау алатын Іле өзенінің суына тәуелді.
Қазақстан "Талибанды" не себепті террористік ұйым тізімінен шығарып тастады? Тәліптермен қарым-қатынаста Қазақстанға не береді? Астана қандай тәуекелге барып отыр және қандай жағдайда тәліптер билігін мойындауы мүмкін? Азаттық бұл туралы Орталық Азияны зерттеуші, журналист Брюс Панниермен сөйлесті.
Қырғызстанның қауіпсіздік қызметі сол елдегі Жамғыр кен орнын игеріп жатқан Vertex Gold компаниясының иегері, қазақстандық кәсіпкер Владимир Жұманбаевқа іздеу жариялады. Арнаулы қызмет ол былтыр қазанда өлтірілген, қылмыс әлеміне танымал Қамшы Көлбаевпен жақын араласып, ай сайын ірі көлемде ақша аударып отырған дейді. «Қазақмыс Холдинг» компаниясы Жұманбаевтың ұйымдасқан қылмыстық топқа қатысы жоғын айтып, кәсіпкер тергеу ісіне көмектесуге дайын деп мәлімдеді.
Ол – Қарақалпақстанның егемендігі үшін күресіп, Өзбекстан түрмесінде отырған түркімен. Құқық қорғау ұйымдары оны "саяси тұтқын" деп атаған. Сәуірде Науаи түрмесіндегі жалғызкісілік камераға ауыстырылғалы оның денсаулығы нашарлаған дейді әкесі. Әңгіме 38 жастағы Жұмасапар Дәдебаев жайында.
Өткен аптада Украина президенті Владимир Зеленский "Орталық Азия басшылары Кремльден жасқанып, Ресейді қолдап отыр" деген пікір айтты. Кей сарапшылар Мәскеу Украинаға басып кіргелі Ресейдің аймақтағы ықпалы әлсіреді десе, енді біреулері Зеленскийдің сөзінің жаны бар деп есептейді.
Тағы