БЕЛАРУСЬТЕГІ ЖАҒДАЙ

Диктаторлық режимге жақпайтын Джин Шарптың әдістері

Беларусь, Ресей және өзге де постсоветтік елдерде авторитар билік режиміне жаппай наразылық білдіргендерді айыптағанда үкімет "Батыстың сценарийі" жайлы жиі айтады. Билік риторикасына негіз бар ма? "Түрлі-түсті революция" идеологы деп атайтын Джин Шарп деген кім?

Ондаған адам ұсталды. Беларусьте 26 қыркүйектегі әйелдер шеруі қалай өтті?

Сенбі, 26 қыркүйек күні Минскіде өзін 9 тамыздағы президент сайлауының жеңімпазы деп жариялаған Александр Лукашенкоға қарсы кезекті әйелдер шеруі өтті. Олар "Беларусь, жасасын", "Света наш президент" деп ұрандатып, сайлауға оппозиция атынан түскен Светлана Тихановскаяны қолдайтын плакаттар ұстады.

Батыс Лукашенконы президент деп мойындамайды. Енді не болмақ?

Балаклава киген полиция, 73 жастағы шеруші. Минскідегі әйелдер шеруі қалай өтті?

19 қыркүйек күні Минскіде ел президенті Александр Лукашенконың отставкаға кетуін талап еткен әйелдер шеруі өтті. Шеруге шыққан әйелдер "Ұмытпаймыз! Кешірмейміз" деп ұрандатып, наразылықтың символына айналған ақ-қызыл жолақты жалаулар мен баннерлерді ұстап жүрді.

"Басбұзарлар, маскүнемдер". Авторитар басшының наразыларды қаралауы – "Совет одағының мұрасы"

Беларусь президенті Александр Лукашенко билікке қарсы наразылық шеруіне шыққан жұртты "арақ ішіп, есірткіге еліткен" деп қаралады. Постсоветтік елдердің көбінде президенттер билікке наразыларды жиі кекетіп-мұқатады. Сарапшылар "наразыларды қаралау – авторитар басшыға тән әдіс" дейді.

Билік пен полицияға қарсы әуендер. Беларусьтегі наразы жұрт әнмен де қарсылық білдіріп жатыр

Беларусьтегі наразылық кезінде жұрт полицияның қатігездігіне әнмен жауап беріп жүр. Наразылар салған әнде бостандық, бейбітшілік, еркіндік, бақыт жайлы көп айтылады.

"Лукашенко халықтың шегінбейтінін біліп отыр"

Светлана Тихановская – Беларусь президенті сайлауына қатысқан бұрынғы кандидат. Сайлаудан соң Литваға кетуге мәжбүр болған. Ол "Настоящее время" арнасына оппозицияның жоспары, Лукашенко мен Путиннің кездесуі, елдегі ахуалға Ресей мен Еуропа мемлекеттерінің әсері туралы айтып, сұхбат берді.

Светлана Тихановская: Ресей билігі диктаторды таңдады

Светлана Тихановская – Беларусьтегі президент сайлауына қатысқан бұрынғы кандидат. Сайлаудан соң Литваға кетуге мәжбүр болған. Ол "Настоящее время" арнасына оппозицияның жоспары, Лукашенко мен Путиннің кездесуі, елдегі ахуалға Ресей мен Еуропа мемлекеттерінің әсері туралы айтып, сұхбат берді.

Nexta мен блогер. Беларусь наразылығының үні

Беларусьтегі наразылықтар кезінде елдегі негізгі тәуелсіз ақпарат құралдары бұғатталып, жұрттың көбі болып жатқан жағдай жайлы хабар-ошарды Nexta атты Telegram-каналынан алды. Оның негізін қалаған Степан Путило каналдың "революция үнін" таратушы құралға айналғанын айтады.

Лукашенко қарсыластарын қалай балағаттайды?

Беларусьте полиция жасағы наразылық шеруіне шыққандарды ұрып-соғып, мыңдаған адамды қамады. Ел президенті Александр Лукашенко наразы халыққа неше түрлі ат қойып, айдар тағып, кемсіте сөйлейді.

Наразылықтың 22-күні қалай өтті?

30 тамыз күні Минскіде 9 тамыздағы президент сайлауынан кейін басталған наразылықтың 22-күні өтті. Бастапқыда полиция қала орталығындағы негізгі көшелерді жауып тұрды, бірақ кейіннен шегініп, шерушілердің жүріп өтуіне жол берді. Дегенмен жүздеген адам қамауға алынды.