Батыс елдері Сирия үкіметін «халыққа химиялық шабуыл жасады» деп айыптап отыр. Өткен апта АҚШ президенті Трамп «ондай жантүршігерлік қылмысқа төзбейтінін» білдіріп, Сирия президенті Башар Асадты жазалау шарасы ретінде осы елдегі Шайрат әуе базасын зымырандармен атқылатқан. Оқиғадан кейін Путин сәуірдің 11-і тұңғыш рет мәлімдеме жасады. Ол «Мәскеудің ресми түрде халықаралық тергеуді талап ететінін» айтты.
