Келіссөз қызған шақта Ресей мен Украинаның шабуылы үдеді
Украина мен Ресей бір-бірінің энергетикалық нысандарына соққы жасамауға келіссе де, кейінгі апталарда екі тарап бір-біріне дрондармен шабуылды күшейтті. Жарым-тылай келісім мен ауыр шабуылдар қазіргі соғыстың шынайы ахуалына айналды.
1
Киев маңындағы Гостомел қаласына 19 наурызға ауған түні дрон шабуылдады. Ал 18 наурызда Ресей президенті Владимир Путин мен АҚШ президенті Дональд Трамп телефон арқылы сөйлесіп, Кремль Украинаның энергетикалық нысандары мен инфрақұрылымдарына шабуыл жасамауға келіскен.
2
19 наурызда Украинаның Сумы облысы Краснополье қаласындағы ауруханаға да шабуыл жасады. 18 наурызда Трамп пен Путиннің телефон әңгімесінен кейін де Украина мен Ресей бір-бірінің қалаларына шабуылдады.
3
19 наурызда Ресейдің Краснодар аймағындағы Кавказская мұнай базасына жасалған шабуылдан соң өрт шықты. Ресей бұл шабуылға Украинаны айыптады. 24 наурызда мұнай базасындағы өрт әлі жанып жатты.
4
Трамп пен Путиннің телефонынан кейін 19 наурызда Украина мен Ресей 175-175 формуласымен тұтқын алмасты. Украиналық солдат тұтқыннан босап, жақындарымен сөйлесіп тұр.
5
19 наурызда тұтқыннан босаған ресейлік солдаттар.
6
20 наурызда Украинаның Кировоград облысына шабуылдан тұрғын үй бүлінді. Ал наурыздың басында Украина АҚШ-тың атысты толық 30 күнге тоқтату ұсынысын қабылдаған. Бірақ Мәскеу бұл ұсыныстан бас тартты.
7
20 наурызда Ресей Украинаның позициясын ракетамен атқылап жатқан сәт. Бейбіт келіссөз кезінде майдан даласында шайқас жалғасып жатыр.
8
20 наурызда Украина Ресейдің Энгельс қаласындағы әуе базасына соққы жасады.
9
Ресейдің 22-23 наурызда Киевке жасаған шабуылынан үш адам қаза тапты. Оның екеуі – 5 жасар қыз бен әкесі. 24 наурызда АҚШ пен Ресей арасындағы келіссөз Сауд Арабиясының Жидда қаласында басталды.
