ІІ Елизавета: Алаңсыз ханшайымнан тақта ең көп отырған монархқа дейін

Азаттық радиосы

9 қыркүйек 2022 жыл, 11:37

8 қыркүйекте Ұлыбритания патшайымы ІІ Елизавета 96 жасында қайтыс болды. Ол ұлт бірлігі мен тұрақтылық символына айналған еді. Оның кезінде монархия екінші дүниежүзілік соғыстан кейінгі саяси және әлеуметтік проблемаларды еңсерді.

2015 жылы шыққан ІІ Елизавета туралы кітапта сол кездегі премьер-министр Дэвид Кэмерон оның "кербездігіне, адамгершілігіне, адалдығына" бас иетінін айтқан. Бұл еңбек оның Ұлыбритания тарихындағы тақта ең көп отырған монарх атануына орай жазылған.

"Саясат үздіксіз өзгеріп жатқанда, ол бізді дауылдардан қорғап, бойымызға сенімділік ұялатқан тұрақты зәкір болды" деп жазған Кэмерон кітаптың алғысөзінде.

Ұлт бірлігі мен тұрақтылықтың символына айналған патшайым 96 жасында көз жұмды. Оның кезінде патша институты Екінші дүниежүзілік соғыстан кейінгі саяси және әлеуметтік қиындықтарды еңсере алды.

Елизавета II 70 жыл тақта болғандағы жеңістер мен қиындықтар кезінде борышын ұмытпағаны үшін Ұлыбританияда ғана емес, одан тыс жерлерде де сыйлы тұлға болып қалатыны сөзсіз.

"ТАҚТАН ҮМІТКЕР ЕМЕС ХАНШАЙЫМ"

Елизавета 1926 жылғы 21 сәуірде дүниеге келгенде, оның патшайым болатынын ешкім күткен жоқ. Оның әкесі Альберт таққа үміткерлер тізімінде екінші адам болған еді.

Елизавета 1936 жылға дейін қарапайым өмір сүрді. Сол жылы Эдуард VIII ажырасқан әйелге үйлену үшін тақтан бас тартты да, тәж оның әкесіне бұйырды. Осылайша әкесі Альберт Георг VI атанды.

Әкесінен кейін таққа отыруы керек Елизавета мен оның сіңлісі Маргарет Екінші дүниежүзілік соғыс кезінде Виндзор сарайында, қауіпсіз жерде тұрды.

1947 жылы ол алыс туысы лейтенант Филипп Маунбеттенге тұрмысқа шықты. Бір жылдан соң тұңғышы Чарьлз, 1950 жылы Анна, 1960 жылы Эндрю, 1964 жылы Эдвард деген балалары дүниеге келді.

1952 жылы әкесі көз жұмған соң таққа отырып, ІІ Елизавета атанды. Британия монархы атанғанда ол 25 жаста еді.

Ол кездері Ұлыбритания премьер-министрі Уинстон Черчилль, АҚШ президенті Гарри Трумэн еді. Ал Совет одағын Иосиф Сталин басқаратын.

ІІ Елизавета патшайымның бүкіл ғұмырын көрсетер 30 фото

Елизавета (сол жақ шетте әскери формада тұр) Букингем сарайының балконында әкесі патша король Георг VI; әкесі патшайым Элизабет; әпкесі, ханшайым Маргарет және премьер Уинстон Черчилльмен бірге тұр. 8 мамыр 1945 жыл. — 3/30 Елизавета (сол жақ шетте әскери формада тұр) Букингем сарайының балконында әкесі патша король Георг VI; әкесі патшайым Элизабет; әпкесі, ханшайым Маргарет және премьер Уинстон Черчилльмен бірге тұр. 8 мамыр 1945 жыл.

4/30 Елизавета күйеуімен бірге бал айында. 1947 жыл.

5/30 Елизавета күйеуі Филиппен бірге. Екеуі 1947 жылы үйленген.

ІІ Елизавета патшайым ретінде таққа отырған күн. Ол 27 жасында патшайым болды. Әкесі қатерлі ісіктен қайтыс болған соң Елизавета Африкадағы іссапардан оралып, таққа отырды. 1953 жыл. — 7/30 ІІ Елизавета патшайым ретінде таққа отырған күн. Ол 27 жасында патшайым болды. Әкесі қатерлі ісіктен қайтыс болған соң Елизавета Африкадағы іссапардан оралып, таққа отырды. 1953 жыл.

8/30 Елизавета таққа отырған соң күйеуімен Букингем сарайында тұр. 1953 жыл.

9/30 Патшайым мен принц Филипп Джон және Жаклин Кеннедимен бірге. 1961 жыл.

10/30 Патшайым Иран шахы Мохаммед Реза Пехлевимен Тегеранда. 1961 жыл.

11/30 ІІ Елизавета "Битлз" тобымен. 1965 жыл.

12/30 Елизавета кіші ұлдары Эндрю және Эдуардпен. 1971 жыл.

13/30 Патшайым күйеуі және балалары принц Чарльз, ханшайым Анна, принц Эндрю және принц Эдуардпен. 1972 жыл.

15/30 Патшайым күйеуі Филиппен. 1977 жыл.

Елизавета үлкен ұлы Чарльз және әйелі Дианамен. 1981 жылдың наурызы. <br /> — 16/30 Елизавета үлкен ұлы Чарльз және әйелі Дианамен. 1981 жылдың наурызы.

18/30 ІІ Елизавета Нельсон Манделамен. 1996 жыл.

19/30 ІІ Елизавета Британия парламентінде. 1997 жыл.

20/30 ІІ Елизавета күйеуі принц Филиппен. 2002 жыл.

21/30 Патшайым мен принц Филипп Маргарет Тэтчермен кездескен сәт. 2005 жыл.

23/30 ІІ Елизавета Рим папасымен кездескен сәт. 2014 жыл.

24/30 ІІ Елизавета мен Чарльз ханзада Британия парламентінде. 2017 жыл.

25/30 Патшайымның отбасы принц Гарри мен актриса Меган Марклдың үйлену тойында. 2018 жыл.

26/30 Патшайымның отбасы Лондондағы Букингем сарайының балконында. 2018 жыл.

27/30 Патшайым мен сол кездегі АҚШ президенті Дональд Трамп. 2019 жыл.

28/30 ІІ Елизавета Виндзор қамалында. 2020 жыл.

Патшайым күйеуі принц Филипптің жерлеуінде. Коронавирусқа байланысты жерлеуге 30 адам ғана қатысты. 2021 жыл. <br /> — 29/30 Патшайым күйеуі принц Филипптің жерлеуінде. Коронавирусқа байланысты жерлеуге 30 адам ғана қатысты. 2021 жыл.

Патшайымның отбасы: үлкен ұлы Чарльз бен оның әйелі Камилла; принц Уильям, оның әйелі Кейт пен балалары; принц Джордж; ханшайым Шарлотта және принц Луи. <br /> — 30/30 Патшайымның отбасы: үлкен ұлы Чарльз бен оның әйелі Камилла; принц Уильям, оның әйелі Кейт пен балалары; принц Джордж; ханшайым Шарлотта және принц Луи.

1953 жылғы 2 маусымда өткен оның тәж кию салтанатын тікелей эфирден бүкіл әлем тамашалады. Бұл әлем телеарналары алғаш көрсеткен ең ірі халықаралық шара болды.

РЕКОРД ЖАҢАРТҚАН МОНАРХ

Таққа отырғаннан кейін 60 жылдан соң, 2015 жылы ол Ұлыбритания тарихындағы тақта ең көп отырған монарх атанды. Бұған дейін ең ұзақ отырған монарх Виктория патшайым болған еді.

Сонымен қатар ол Ұлыбритания, Австралия, Канада, Жаңа Зеландия және Достастық елдерінің 12 мүшесіне конституциялық монарх болды, 120-дан астам елге сапарлады. Бұл оны ең көп саяхаттаған монарх қылды.

Елизавета ІІ Ұлыбританияның 15 премьер-министрін тағайындаған. Көз жұмарынан екі күн бұрын ол бұл қызметке Лиз Трассты қойды. Патшайым әлемдегі ең танымал адамдармен, оның ішінде АҚШ-тың он үш президентімен кездескен.

ӨЗГЕРМЕЛІ ЗАМАНДАҒЫ ӨЗГЕРМЕЙТІН СИМВОЛ

Елизавета II Ұлыбританияда ғана емес, бүкіл әлемде түбегейлі өзгеріс болып жатқанда таққа отырды.

Жаһандық деколонизация процесі аясында Британия империясы ең ірі колонияларға тәуелсіздік бере бастады. Ал коммунистік блок пен Батыс елдері арасындағы шиеленіс қырғи-қабақ соғысқа ұласты.

Ұлыбритания мен басқа елдерде екінші дүниежүзілік соғыстан кейін экономика мен әлеуметтік жағдай жақсарды.

Кейінгі жылдары баспасөз құралдарындағы жаңалықтар патша отбасына көптің назарын аударды. Бұл олардың қоғаммен және баспасөз құралдарымен байланысын түбегейлі өзгертті.

Елизаветаның күйеуі Филипп 2021 жылы көз жұмды. Екеуінің некесі берік болды. Ал олардың қызы Анна күйеуімен, ұлдары Чарльз бен Эндрю әйелдерімен ажырасып кетті. Осы оқиғалар болған 1992 жылды ол "ең жаман жыл" деп атаған.

Бес жылдан кейін Парижде Чарльздің әйелі Диана Спенсер қаза тапты. Елизавета патшайым Уэльс ханшайымының қазасына эмоция таныта қоймағаны үшін сынға қалды.

Елизавета патшайым үлкен ұлы Чарльзбен және келіні Дианамен бірге. Букингем сарайы, 27 наурыз 1981 жыл.

Баспасөз құралдарының назарына іліккеніне қарамастан, ІІ Елизавета Британияның үнемі өзгеріп отырған қоғамындағы өзгермейтін тұлға болды және патша институтының абыройын сақтап қала алды.

Ондаған жыл бойы патшайым шыдамдылық танытып, борышын сезінетінін көрсетті. Бұл оған тәж кию рәсіміндегі "Өмір бойы, шын жүрегіммен сенімдеріңізге лайық болуға тырысамын" деген уәдесін орындауға септігін тигізгендей.

Accessibility links

Жазылыңыз

ІІ Елизавета: Алаңсыз ханшайымнан тақта ең көп отырған монархқа дейін

"ТАҚТАН ҮМІТКЕР ЕМЕС ХАНШАЙЫМ"

ІІ Елизавета патшайымның бүкіл ғұмырын көрсетер 30 фото

РЕКОРД ЖАҢАРТҚАН МОНАРХ

ӨЗГЕРМЕЛІ ЗАМАНДАҒЫ ӨЗГЕРМЕЙТІН СИМВОЛ

Айдар