Украина-Ресей келіссөзінің бірінші раунды аяқталды
Украина делегациясы Ресеймен келіссөз аяқталғанын мәлімдеді. Киев өкілі Михаил Подоляктің сөзінше, екі тарап еліне оралып, келіссөз нәтижесі мен келіссөзді жалғастыру мүмкіндіктерін президенттермен талқылайды. Подоляк келіссөздің екінші раунды болатыны жайлы да айтты.
Ұлыбритания Ресейге санкцияны күшейтті
Ұлыбритания ВТБ, Совкомбанк, Внешэкономбанк активтерін бұғаттады. Сбербанкке қатысты да жаңа санкция дайындалып жатыр.
Ресейлік байлардың Ұлыбританиядағы үйлері мен яхталары да бұғатталуы мүмкін.
Ұлыбритания транспорт министрлігі ресейлік кемелерді ел порттарына өткізбеуді сұрады.
ФИФА мен УЕФА Ресей құрамасы мен клубтарын жарыстан шектеді
Халықаралық футбол федерациясының (ФИФА) кеңесі мен Еуропа футбол одағының (УЕФА) атқарушы комитеті Ресейдің Украинаға соғыс ашқанына байланысты осы елдің құрамасы мен клубтарын барлық жарыстан шектеді.
28 ақпанда Украинадағы соғыс қалай өрбіді? Барлық ақпаратты қысқа-нұсқа шолып шықтық:
- Беларусьте Украина мен Ресей делегациясы арасында келіссөздің бірінші раунды аяқталды. Екі делегация президенттерімен ақылдасу үшін елдеріне оралды. Тараптар келіссөз жайлы басқа ақпарат таратпады.
- Ресей Харьков қаласына шабуыл жасады. Украина тарабы қаза болғандар мен жараланғандар бары айтылды.
- Украина президенті Владимир Зеленский Еуропа одағынан Украинаны осы одаққа қабылдау процесін бастауды сұрады. Бұған қоса ол Ресей әскерилерін қаруларын тастап, Украинадан кетуге шақырды. Зеленский Украинаны ЕО-ға қабылдау туралы өтініш жазды.
- Ресейге салынған санкциялардан соң бір доллардың құны 100 рубльден асып кетті. Қазақстанда бір доллар 495 теңге болды.
- Украина тарабы 5300 ресейлік әскери қаза тапты деп мәлімдеді. Мәскеу әскерилері қатарында қаза болғандар барын мойындағанымен, нақты санын жарияламай отыр.
- Саяси шиеленістерде өзін бейтарап ұстайтын Швейцария Еуропа одағының Ресейге салған санкцияларына қосылып, Ресей ұшақтары үшін әуесін жапты. Осылайша Швейцария 1815 жылдан бері алғаш рет бейтарап статусын бұзды.
- Ұлыбритания ресейлік олигархтардың үйлері мен яхталарын бұғаттамақ.
- Халықаралық олимпиада комитеті спорт федерацияларынан Ресей мен Беларусь спортшыларын жарыстарға қатыстырмауды сұрады. ФИФА мен УЕФА Ресей футбол құрамасы мен ресейлік клубтарды жарыстардан шеттетті.
ПІКІРЛЕР