Киевте кешкісін қатты екі жарылыс болып, дабыл қағылды. Спутниктен түсірілген суреттер тарататын Maxar компаниясы ресейлік танкілердің Киев облысындағы Иванова ауданында кетіп бара жатқанын көрсететін мына фотоны жариялады. Иванковадан Киевке дейін 80 шақырым.
28 ақпанда шабуылға ұшыраған Харьков қаласындаа қираған ресейлік әскери техника. Қала көшелерінде қаза тапқан ресейлік әскерилердің мәйіті де шашылып жатыр.
Ресей билігі Украинада бейбіт тұрғындарға шабуыл жасап жатқан жоқпыз дейді. Бірақ 28 ақпанда Харьков қаласына Ресей ракетадан шабуыл жасап, тұрғын үйлер мен кемі бір мектепті қиратты.
Өртенген ресейлік әскери техникалар, қираған үй, жертөледегі сәбилер. Шабуылға ұшыраған Харьков
28 ақпанда түнде Украинадан эвакуацияланған қазақстандықтар мінген алғашқы ұшақ Алматы әуежайына қонды.
Ұшақта 175 азамат болды: 169-ы – ересек, алтауы – екі жасқа дейінгі сәбилер. Екінші ұшақ 1 наурызға жоспарланған.
Бұған дейін Қазақстан СІМ Украинадан Польшаға 241 қазақстандық жеткізілгенін, 99-ы шекарада кезекте тұрғанын мәлімдеген.
26 ақпан күнгі мәлімет бойынша, 528 адам Қазақстан елшілігінен эвакуация бойынша көмек сұраған.
ПІКІРЛЕР