Абайдың ескерткіштері Қазақстанның барлық ірі қалаларында бар. Алайда, Азаттық радиосына сұхбат берген сарапшылар мүсіндердің көбі бір-біріне ұқсайды және Абайдың образын толық ашпайды деген пікірде.
Жас ақын Жанар Әпсадық Абайдың мүсіндерінен дана ойшылды емес, халық батырларының кейпін көретіндігін жеткізеді. Суретші Ерболат Төлепбайдың айтуынша, ескерткіштің жақсы шығуы мүсіншінің кәсіби деңгейі мен мүсін жасауға рұқсат беретін басшылыққа байланысты.
