Нұрқаділов бастапқыда Назарбаевтың билігін күшейтуге айрықша атсалысты. Парламенттік-президентік басқару үлгісін сақтап қалуға тырысқан Жоғарғы кеңесті таратуға зор үлес қосты. Билікті бір адамның қолына жинап бергеніне кейін өкінді. Нұрқаділовтің бастамасын қолдаған депутаттар "президентке кедергі келтірмейік" десті. 1993 жылы желтоқсанда Жоғарғы кеңес тарап, билік біртіндеп Назарбаевтың қолына өтті.