Жамбыл облысы Байзақ ауданындағы әскери қоймада жарылыс болды. Қойма әлі өртеніп жатыр. Қазақстанның қорғаныс министрлігінің хабарлауынша, 26 тамыз күні кешкі 19:00 шамасында оқ-дәрі қоймасы маңында алдымен өрт тұтанып, соңынан жарылыс болған. Адам шығыны бар-жоғы анық емес. Министрлік хабарламасында жарылыстың нақты қай әскери бөлімде болғаны айтылмаған. Жарылыс видеосы алдымен әлеуметтік желіге тарады. Куәгерлер түсірген видеода жарылыс толқыны бірнеше шақырым жердегі елдімекендерге де сезілгені айтылады.