Су жаңа депутат бақылаушылардың учаскеден қуылғанын білмейді

Мәжіліске өткен партияларға мандат үлестірілген соң үш партия төменгі палатадағы фракциясын жасақтады. 98 орынның 77 пайызын алған "Нұр Отанның" да, 12 орын алған "Ақ жол" мен 10 орын бұйырған "Қазақстан халық партиясының" да тізімінде бұрын депутат болмаған адамдар бар. Бірі — ақын, басқасы — саясаттанушы. Азаттық парламентке өткен депутаттардың кейбіріне телефон шалып, сайлаудың қалай өткенін, мәжілісте не мәселе көтермегін сұрады.