Մամուլի տեսություն

Հուլիսի 31-ի մամուլ

«Մարդկայնորեն կարելի է կարեկցել Տարոն Մարգարյանին, ով ոչ այնքան փայլուն ընտրությունից հետո հիմա էլ հայտնվեց հասարակության թիրախում և իր վրա կրում է հարվածներ, որոնցից ոչ բոլորն են իրենը», - խմբագրականում գրում է «Հրապարակ»-ը:

Հուլիսի 30-ի մամուլ

«Ժողովուրդ»-ը իր խմբագրականում գրում է․ - «Դատելով տրանսպորտի ուղեվարձի թանկացման դեմ ծայր առած բողոքի ալիքի շարունակությունից՝ «Երևանի վերջին 20 տարվա ամենալավ քաղաքապետի» գործերը խառն են: Այնքան խառը, որ նրան այդպիսի բնորոշում տված ընկերներից ոչ մեկը չի հանդգնում պաշտպանել»:

Հուլիսի 27-ի մամուլ

«Սիվիլնեթ»-ին տված հարցազրույցում ՀՀԿ խորհրդարանական խմբակցության ղեկավար Գալուստ Սահակյանն ասել էր, որ եթե իշխանությունը ցանկություն ունենա, մի քանի ժամում կմարի հասարակական տրանսպորտի ուղեվարձի թանկացման առիթով առաջացած շարժումը: «Առավոտ»-ի հետ զրույցում Գալուստ Սահակյանն այսպես է մեկնաբանում իր այդ հայտարարությունը․ - «Քաղաքային իշխանությունն ու քաղաքական ուժը եթե ցանկանային, կարող էին նաև որոշակի գործընթացներ կազմակերպել և 150 դրամ ուղեվարձի որոշումը մինչև վերջ տանել, որի կողմնակիցն եմ ես: Մենք բավականին լուրջ քաղաքական ուժ ենք և կկարողանայինք մարդկանց բացատրել, որ Երևան քաղաքը պիտի տրանսպորտ ունենա: Այս որոշումը տրանսպորտազրկման որոշում էր, որն ինձ համար ընդունելի չէ»:

Հուլիսի 26-ի մամուլ

«Ժամանակ» օրաթերթը գրում է․ - «Եթե համեմատելու լինենք այս հաղթանակը այն խնդիրների հետ, որոնք կանգնած են Հայաստանի քաղաքացիների առաջ որպես հասարակություն, և նաև որպես պետության կրող քաղաքացիներ, ապա հաղթանակը ոչ միայն փոքր, այլ միգուցե նույնիսկ չնչին կթվա: Սակայն իրականում հաղթանակի մեծ ու փոքրը տվյալ դեպքում պետք է դիտարկել այլ չափիչներով և չափորոշիչներով»:

Հուլիսի 25-ի մամուլ

«Ժամանակ» օրաթերթը գրում է․ - «Հայաստանում տոտալ թանկացումներ են, ընդ որում՝ մեծ մասը պարզապես ինչ-որ մարդկանց անկշտության, անսահմանափակ ախորժակի պատճառով: Հայաստանում սոցիալական այս կամ այն շերտերը պարբերաբար բողոքում են իրավունքների ոտնահարման, խաբված լինելու, աշխատավարձերի չվճարման համար: Հայաստանը սոցիալական վառոդի մի տակառ է, որը կարող է պայթել ամեն մի կայծից»:

Հուլիսի 24-ի մամուլ

«Առավոտ»-ի խմբագիրը գրում է․ - «Քաղաքացիների բողոքը՝ Երևանում տրանսպորտի ուղեվարձը բարձրացնելու դեմ, արդար է: Քաղաքապետարանն ընդունել է այդ որոշումը՝ առանց քննարկման, առանց հիմնավորման և առանց իրավական անհրաժեշտ հիմքի»:

Հուլիսի 23-ի մամուլ

Մամուլը շարունակում է արձագանքել ուղեվարձի բարձրացման հարուցած հասարակական ընդվզումներին

Հուլիսի 20-ի մամուլ

Հասարակական տրանսպորտի ուղեվարձի թանկացման վերաբերյալ «Չորրորդ իշխանությունը գրում է․ - «Թանկացման այս ամբողջ պատմության մեջ ամենաահավորն այն ցինիզմն է, որով իշխանությունները ծաղրում են բնակչությանը՝ հնարավոր բոլոր առիթներով հեգնելով, թե միևնույն է՝ Հայաստանում սոցիալական բունտը բացառված է, մարդիկ կաղմկեն-կաղմկեն ու գլուխները կախ կհամակերպվեն»:

Հուլիսի 19-ի մամուլ

Տրանսպորտի գնի բարձրացման թեմային են անդրադարձել այսօր լույս տեսած բոլոր թերթերը:

Հուլիսի 18-ի մամուլ

Հուլիսի 17-ի մամուլ

«Ժողովուրդ»-ը գրում է․ -«Հայ տղամարդուն կանացի խալաթ հագցրած և նրա մարդկային ողբերգությունը ծաղրուծանակի առարկա դարձրած ռուսական լրատվամիջոցները երեք օր շարունակ սրտների ուզածն էին ասում հայ վարորդների մասին՝ համապետական լրատվական դաշտը հեղեղելով հակահայկական շովինիստական քարոզչությամբ: Սակայն այդ ընթացքում Հայաստանի պատկան մարմիններից որևէ մեկը ծպտուն անգամ չհանեց»: