«Առավոտ»-ի խմբագիրը գրում է. - «Հայաստանյան հասարակության մեջ դեռեւս ուժեղ է «մազապուրծ եղածի» մտածելակերպը: Սրա բացատրությունը, հավանաբար, այն է, որ բացի բանակից եւ նրա հաղթանակներից` մենք առանձնապես չունենք բաներ, որոնցով կարող ենք հպարտանալ: Մենք չենք ստեղծել երկիր, որտեղ գերակա է օրենքը, որտեղ մարդիկ ազատ ինքնարտահայտվելու ազատություն ունեն: Առանց դրա` արժանապատիվ քաղաքացի ունենալն անհնարին է: Բայց, կրկնեմ, առանց պետություն եւ բանակ ունենալու ընդհանրապես հնարավոր չէ որեւէ բան: Դրանք, կարելի է ասել, մեր երազած երկիրն ունենալու անհրաժեշտ, թեեւ ոչ բավարար պայմաններն են: Ահա թե ինչու դրանք պետք է առանձնացնել բոլոր տեսակի ռեժիմներից եւ իշխանություններից»:
