«Ժամանակ»-ի մեկնաբանը, անդրադառնալով համաշխարհային ֆինանսատնտեսական ճգնաժամին, գրում է. - «Եթե ամբողջ աշխարհի համար այն ունի մի ընդհանուր պատճառ, ապա ամեն մի պետության համար կան յուրահատուկ պատճառներ: Ելնելով դրանց առանձնահատկություններից էլ` ճգնաժամը ընդհանուր գծերով, բայց տարբեր խորությամբ եւ որակով է դրսեւորվում առանձին երկրներում: Ըստ էության, Հայաստանում ճգնաժամի դեմ հիմնարար պայքարի համար անհրաժեշտ է իշխանական, կառավարման բուրգի կառուցվածքի եւ որակի արագ եւ բեկումնային փոփոխություն, որն անհնար է իրականացնել առանց մտածողության փոփոխության, առանց արժեքների վերադասավորման»:
