Միացյալ Նահանգների պետքարտուղար Մարկո Ռուբիոն Մյունխենում հանդիպում է ունեցել Թուրքիայի արտգործնախարար Հաքան Ֆիդանի հետ:
Ի թիվս այլ հարցերի կողմերը քննարկել նաև «Հարավային Կովկասում արդար և կայուն խաղաղությանն աջակցելու մեր համատեղ ջանքերը», - փոխանցում է ԱՄՆ Պետքարտուղարության մամլո ծառայությունը:
Այլ մանրամասներ չեն հաղորդվում։
Թուրքական կողմը հանդիպման մասին առայժմ չի հաղորդել։
Միացյալ Նահանգների և Թուրքիայի արտաքին գերատեսչությունների ղեկավարները Հայաստանի և Ադրբեջանի միջև կայուն և արժանապատիվ խաղաղությունը կարևորել էին նաև անցած ամսվա վերջին կայացած հեռախոսազրույցում:
