Ուկրաինայի նախագահ Վլադիմիր Զելենսկին մարտի 29-ին արևմտյան գործընկերներին կոչ է արել «վճռական պատասխան» տալ ռուսական մահաբեր հարձակումների ուժեղացմանը՝ շեշտելով հարվածները Խարկովի ռազմական հոսպիտալին և Դնեպր, Կրիվոյ Ռոգ քաղաքներին:
«Մեր գործընկերները պետք է հստակ հասկանան, որ այդ հարվածները հասցվում են ոչ միայն Ուկրաինայի քաղաքացիական անձանց, այլև բոլոր միջազգային ջանքերին՝ հենց այն դիվանագիտությանը, որը մենք փորձում ենք օգտագործել այս պատերազմին վերջ տալու համար», - ասել է Զելենսկին իր երեկոյան տեսաուղերձում:
«Ռուսաստանը հարվածում է բոլոր նրանց դիրքերին, ովքեր ցանկանում են վերջ դնել այս պատերազմին», - հավելել է նա:
Զելենսկիի հայտարարությունը հնչել է ռուսական զորքերի հարվածների ուժեղացման ֆոնին: Մարտի 29-ի ուշ երեկոյան Ուկրաինայի գլխավոր շտաբը հայտնել է, որ հարված է հասցվել Խարկով քաղաքի զինվորական հոսպիտալին, վնասվել են շենքը և հարակից բնակելի տները։ Նախնական տվյալներով՝ զինծառայողների շրջանում կան տուժածներ, որոնք բուժում էին ստանում բժշկական կենտրոնում:
