Ռուս լրագրող, Մարեմ իրավապաշտպան խմբի անդամ Եկատերինա Ներոզնիկովային Ռուսաստանում վարչական մեղադրանք է առաջադրվել «անցանկալի կազմակերպության» հետ ենթադրյալ առնչության համար։
Մեղադրանքները բխում են Ներոզնիկովայի՝ այս տարվա սկզբին «Ազատություն» ռադիոկայանին տված հարցազրույցում մասնակցելուց, որտեղ նա քննարկում էր Չեչնիայից ծագումով Սեդա Սուլեյմանովայի աղմկահարույց առևանգումը:
Ներոզնիկովայի դեմ գործը կապված է 2024 թվականի ապրիլին «Ազատություն» ռադիոկայանի «Մարդու իրավունքները իրավունք են» հաղորդաշարում նրա ելույթի հետ։ Հաղորդման ընթացքում նա քննարկել է Սուլեյմանովայի առևանգումը, որին 2023 թվականի օգոստոսին Սանկտ Պետերբուրգից բռնի ուժով տարել էին տեղի ոստիկանություն։ Սուլեյմանովան, ով 2022 թվականին փախել էր Չեչնիայից, քանի որ ճնշում էր գործադրվում նրա վրա, որպեսզի համաձայնի հարկադիր ամուսնությանը, անհետ կորել է անցյալ տարվա սեպտեմբերից։
Սուլեյմանովայի դեպքը առաջացրել է համաշխարհային բողոքի ցույցեր և համերաշխության արշավներ:
«Ազատություն» ռադիոկայանի ռուսական ծառայությունը և նրա ռուսալեզու բազմաթիվ նախագծերը Ռուսաստանում ճանաչվել են «անցանկալի կազմակերպություններ» 2024 թվականի փետրվարին՝ նրանց հետ ցանկացած կապը պատժելի դարձնելով ռուսական օրենսդրությամբ։
Ռուսաստանում «անցանկալի կազմակերպության» գործունեությանը մասնակցությունը ֆիզիկական անձանց համար կարող է հանգեցնել մինչև 15000 ռուբլի տուգանքի: Մեկ տարվա ընթացքում կրկնվող հանցագործությունները կարող են վերաճել քրեական պատասխանատվության՝ մինչև չորս տարվա ազատազրկման պատիժ:
