Չինաստանի ու Ռուսաստանի նախագահները հեռախոսազրուց են ունեցել, հայտնում է Չինաստանի պետական հեռուստատեսությունը։
Ըստ հաղորդման՝ Սի Ծինփինն ու Վլադիմիր Պուտինը պայմանավորվել են շարունակել պահպանել կապը։
Ռուսական կողմը նշում է, որ երկարատև զրույցի ընթացքում երկու երկրների նախագահները քննարկել են համապարփակ գործընկերության և ռազմավարական փոխգործակցության զարգացման հարցեր։
Պուտինը Չինաստանի նախագահին տեղեկացրել է ռուս-ամերիկյան վերջին շփումների մասին։
Ըստ Ռուսաստանի նախագահի պաշտոնական կայքի՝ չինական կողմը աջակցություն է հայտնել Ռուսաստանի և ԱՄՆ-ի միջև սկսված երկխոսությանը, ինչպես նաև պատրաստակամություն է հայտնել աջակցել ուկրաինական հակամարտությունը խաղաղ ճանապարհով լուծելու ուղիներ գտնելուն։
