«Այն, ինչ Զելենսկիի հետ տեղի ունեցավ Օվալաձև սենյակում, մի բան էր, որը ոչ մեկ չէր ուզի տեսնել», - հայտարարել է Մեծ Բրիտանիայի վարչապետ Քիր Սթարմերը։
Միացյալ Նահանգների և Ուկրաինայի նախագահների՝ Սպիտակ տան սկանդալային հանդիպումից մի քանի օր և Լոնդոնում երեկվա քննարկումից մեկ օր անց Սթարմերը պնդել է. «Մենք պետք է պահպանենք մեր հարաբերությունները ԱՄՆ-ի հետ: Ակնհայտ է, որ Միացյալ Նահանգների գործընկերությունը կենսական նշանակություն ունի»։
Նա շեշտել է, որ Մեծ Բրիտանիան և ԱՄՆ-ը միասին կաշխատեն Ուկրաինայի կայուն խաղաղության հաստատման համար:
«Ոչ մեկը չպետք է կասկածի տակ դնի խաղաղության հարցում Թրամփի հավատարմությունը»,-ասել է Քիր Սթարմերը։
