Ֆրանսիան Ուկրաինային մինչև 100 Rafale կործանիչ, ինչպես նաև հակաօդային պաշտպանության համակարգեր ու ռազմական այլ սարքավորումներ կմատակարարի առաջիկա տասը տարվա ընթացքում: Համաձայնագիրը ստորագրվել է այսօր՝ նախագահ Զելենսկու՝ Փարիզ կատարած այցի ժամանակ։
Սա պատմական գործարք է, նախագահ Մակրոնի հետ հանդիպումից առաջ գրել էր Վլադիմիր Զելենսկին X-ում։ Նպատակն է «հնարավորություն տալ ձեռք բերել համակարգերը, որոնք անհրաժեշտ են Կիևին ռուսական ագրեսիային դիմակայելու համար», «Ֆրանս պրես»-ին ասել է Ելիսեյան պալատի աղբյուրը՝ անանուն մնալու պայմանով։
