Ուկրաինայում վիրավորված հարյուրավոր ռուս զինվորականներ անվճար բուժում են ստանում Հյուսիսային Կորեայում, պետական «Ռոսիսսկայա գազետա» թերթին տված հարցազրույցում ասել է Հյուսիսային Կորեայում Ռուսաստանի դեսպան Ալեքսանդր Մացեգորանը: Մանրամասներ, սակայն, նա չի ներկայացրել, թե քանի ռուս է հոսպիտալացվել Հյուսիսային Կորեայում, ինչպես նաև չի նշել զոհերի կամ մահվան դեպքերի մասին:
Դիվանագետը նաև ասել է, որ Ուկրաինայում սպանված ռուս զինվորների որոշ երեխաներ ուղարկվել են Հյուսիսային Կորեա արձակուրդներն անցկացնելու:
Արևմտյան հետախուզությունը հայտնել է, որ Ռուսաստանը միլիոնավոր հրետանային արկեր է գնում Հյուսիսային Կորեայից։
Անցյալ աշնանը հյուսիսկորեացի զինվորները սկսեցին հայտնվել Ռուսաստանի սահմանի երկայնքով, հիմնականում Կուրսկի շրջանում։ Նոյեմբերին նախագահ Վլադիմիր Պուտինը և Հյուսիսային Կորեայի առաջնորդ Կիմ Չեն Ընը ստորագրեցին ռազմավարական գործընկերության պայմանագիր՝ խորացնելով իրենց տնտեսական և քաղաքական կապերը։
Արևմտյան և ուկրաինացի պաշտոնյաները հայտարարել են, որ 10,000-ից մինչև 12,000 հյուսիսկորեացի զինվորներ են տեղակայվել Կուրսկի շրջանում։ Ուկրաինական զորքերը գերիներ են վերցրել, հստակ թիվը, սակայն, չի հրապարակվում։
