ԱՄՆ պետքարտուղար Մարկո Ռուբիոն կիրակի օրն այցելել է Երուսաղեմի Սուրբ Հարության տաճար։
Երուսաղեմի Սրբոց Հակոբյանց միաբանության փոխանցմամբ, ԱՄՆ պետքարտուղարի դիմավորման արարողությանը ներկա էին Երուսաղեմի Հայոց պատրիարքարանի դիվանապետ Տեր Աղան վարդապետ Գոգչյանը և Սուրբ Հարության տաճարի նախկին տեսուչ Տեր Սամվել ծայրագույն վարդապետ Աղոյանը:
ԱՄՆ պետքարտուղարի այցից այլ մանրամասներ չեն հաղորդվում։
ԱՄՆ պետքարտուղարը փետրվարի 15-ի ուշ երեկոյան է ժամանել Իսրայել: Սա նրա առաջին շրջագայությունն էր Մերձավոր Արևելք անցյալ ամիս Նահանգների գլխավոր դիվանագետի պաշտոնը ստանձնելուց հետո:
Ռուբիոն նախօրեին Իրանի և Գազայի հարցով բանակցություններ է վարել իսրայելցի պաշտոնյաների հետ։
