Ռուսաստանի արտգործնախարար Սերգեյ Լավրովը բարձր է գնահատել ԱՄՆ նախագահ Դոնալդ Թրամփի, իր ձևակերպմամբ, «ողջախոհ» դիրքորոշումը Ուկրաինայում պատերազմը դադարեցնելու վերաբերյալ: Միաժամանակ նա մեղադրել Է եվրոպական տերություններին, որոնք համախմբվել են Կիևի շուրջ՝ «հակամարտությունը երկարաձգելու ձգտմամբ:
Լավրովն ասել է, որ Միացյալ Նահանգները նախկինի պես ցանկանում է լինել աշխարհի ամենահզոր երկիրը, և որ Վաշինգտոնն ու Մոսկվան երբեք համաձայնության չեն գա ամեն ինչում, սակայն պայմանավորվել են պրագմատիկ լինել, երբ շահերը համընկնում են:
«Դոնալդ Թրամփը պրագմատիկ է», - ասել Է Լավրովը ռուսական ռազմական «Կրասնայա զվեզդա» թերթին՝ համաձայն ԱԳՆ հաղորդագրության:
Վաշինգտոնն ավելի վաղ կառուցողական էր գնահատել Ստամբուլում տեղի ունեցած Միացյալ Նահանգների և Ռուսաստանի դիվանագետների բանակցությունները։
