Իսպանիայի գրեթե կեսում էլեկտրաէներգիայի մատակարարումը վերականգնվել է, հայտարարել է վարչապետ Պեդրո Սանչեսը հեռուստատեսային ելույթում: Reuters-ի հաղորդմամբ՝ էլեկտրաէներգիայի մատակարարումը լիովին կվերականգնվի ապրիլի 29-ին։
Սանչեսը հավելել է, որ Իսպանիա էլեկտրաէներգիա է մատակարարվում Ֆրանսիայից և Մարոկկոյից։
Ապրիլի 28-ի ուշ երեկոյան էլեկտրաէներգիան աստիճանաբար վերականգնվել է նաև Պորտուգալիայի տարբեր համայնքներում, այդ թվում՝ Լիսաբոնի կենտրոնում: REN ցանցի օպերատորը հայտնել է, որ 89 ենթակայաններից 85-ը վերականգնվել է:
Իսպանիայում և Պորտուգալիայում հոսանքի լայնածավալ անջատման պատճառը մնում է անհայտ: Պեդրո Սանչեսը նշել է, որ իշխանությունները ներկայումս հետաքննում են պատճառը: Պորտուգալիայի վարչապետ Լուիս Մոնտենեգրոն, իր հերթին, կարծում է, որ անջատման աղբյուրը «հավանաբար Իսպանիայում է»:
Ապրիլի 28-ին եվրոպական մի շարք երկրներում՝ Իսպանիայում, Պորտուգալիայում, Ֆրանսիայում, զանգվածային հոսանքազրկումներ են:
Էլեկտրաէներգիայի անջատման հետևանքով մի շարք քաղաքներում դադարել է երկաթուղային կայարանների աշխատանքը, ավտոճանապարհներին քաոս է սկվսել լուսացույցների բացակայության պատճառով, Մադրիդում Madrid Open թենիսի մրցաշարի խաղերը ստիպված հետաձգվել են։
