Հարավային Կորեայի Սահմանադրական դատարանը միաձայն հավանություն է տվել հանրապետության նախագահ Յուն Սոկ Յոլի իմփիչմենթին, հայտնում է Yonhap-ը։
2024-ի դեկտեմբերին Հարավային Կորեայի ընդդիմությունն իմփիչմենթի ենթարկեց նախագահին՝ երկրում ռազմական դրություն մտցնելու փորձի համար։
Սահմանադրական դատարանի այսօրվա որոշմամբ, Յուն Սոկ Յոլը վերջնականապես հեռացվում է պաշտոնից։ Առաջիկա 60 օրվա ընթացքում երկրում պետք է արտահերթ նախագահական ընտրություններ անցկացվեն։ Ակնկալվում է, որ դրանք տեղի կունենան հունիսի 3-ին: Այդ ընթացքում վարչապետ Հան Դեոկ-սուն կշարունակի պաշտոնավարել որպես պետության ղեկավար:
