Ֆրանսիայի և Մեծ Բրիտանիայի զինված ուժերի գլխավոր շտաբերի պետերը Կիևում բանակցություններ են վարել ուկրաինական բանակի հրամանատարության և Ուկրաինայի ղեկավարության ներկայացուցիչների հետ:
Քննարկվել են Ուկրաինայի զինված ուժերին ռազմական օգնություն ցուցաբերելու հարցերը՝ ռուսական ագրեսիային հետագա դիմադրելու նպատակով, այդ թվում ուկրաինական զինված ուժերի ամրապնդման և վերակառուցման երկարաժամկետ ռազմավարությունը:
«Ֆրանսիան ու Մեծ Բրիտանիան սերտորեն համագործակցում են, որպեսզի միջազգային կոալիցիայի շրջանակներում սահմանեն և մշակեն անվտանգության ապահովման գործողություններ, որոնք թույլ կտան Ռուսաստանին հետ պահել նոր լայնածավալ ներխուժումից խաղաղության վերականգնումից հետո», – նշվում է բանակցությունների արդյունքներով Ֆրանսիայի գլխավոր շտաբի հայտարարության մեջ:
Ուկրաինայի նախագահ Վլադիմիր Զելենսկին ողջունել է «շոշափելի առաջընթացը» Կիևում բրիտանացի և ֆրանսիացի ռազմական առաջնորդների հետ հանդիպումից հետո:
